Popular Bible Verses from HALUMBAAN 3

Share

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.

Huboto do sanga aha na dung dibaen hamu; nada ngali hamu jana nada milas. Sugari sura ngali ma ho nian; sanga na milas. Tapi na danggol danggol sisilon do hamu; milas dohonon nada, ngali pe nada. I ma dalanna umbaen na giot utahononKu hamu sian pamanganKu.

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.

Huboto do sanga aha na nibaenmunu. Haru so sadia pe gogomunu, tapi laing dioloi hamu do pangajaranKu jana unduk do hamu tu Au. Madung Hubuka sada pintu na godang di hamu na so tartutup sanga ise pe.

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.

Didok hamu, ‘Madung mamora hami jana tuk sude; sada pe nada adong be na hurangnami.’ Hape umpe diboto hamu sanga songon dia dangolmunu dohot parkancitanmunu! Na pogos do hamu, marsaemara jana na mapitung.

Hara ni na dung nioloanmunu parentangKu anso sobar hamu, Au pe jagohononKu ma hamu anso laing horas torkis hamu mamolus hasusaan na giot masa tu sude portibi on. I ma na giot tarjadi laho manguji sasude jolma na satano on.

Ligi ma! Tibu do Au ro! Tiop ma na adong di ho, anso ulang adong na mambuat tukumi.

Hara ni i, ngot ma hamu jana pargogoi hamu ma sanga aha na tading dope di hamu dompak so jabat mate sude. Angke nada adong dapot Au hum sada pe pambaenanmunu na sanggam di adopan ni DebatangKu.