Popular Bible Verses from HALUMBAAN 10

Share

Tapi di na niombus ni surusuruan papituhon i sarunenia, patuluson ni Debata ma sangkaNia i na so nipabotohon dope, hombar tu boa-boaNia tu angka naposoNia, i ma angka panurirang.”

Dung i ning ia ma tu au, “Angkon mangulahi do ho manyurirangi tu bahat marga, dohot bangso, dohot bahasa dohot angka raja.”

Dung i huida ma sahalak surusuruan na asing mijur sian banua ginjang. Na gogo sun do surusuruan i. Dibalut ombun do ia jana halibutongan di ginjang ni ulunia. Songon mataniari do bohina i jana patna i songon tiang api.

Jadi kehe ma au mandapotkon surusuruan i jana hupangido ma anso dilehen ia balunan ni buku na menek i tu au. Didok ia ma tu au, “Jomput jana pangan ma on. Gabe paet ma i di bagasan butuhamu, tapi anggo di pamanganmu tonggi do songon aer ni loba.” Hubuat ma balunan na menek i sian tangannia jana hupangan. Songon tonggi ni aer ni loba ma antong daina anggo di pamanganniba, hape dung hubondut, gabe paet ma dung di butuhangku.