Popular Bible Verses from BILANGAN 20

Share

Dung i mangkuling ma TUHAN tu si Musa dohot tu si Harun, ninna ma, “Hara ni naso porsaya hamu di hatangKu jana ganggu hamu patidahon kuasongKu na badia i di jolo ni halak Israel, gabe nada hamu be maroban halahi tu tano na Hujanjihon tu halahi.”

“Buat ma tungkot na di Poti Parjanjian i, dung i rap ma ho dohot si Harun palagutkon sude bangso i. Mangkatai ma ho di jolo ni halahi sude tu batu na godang na disi, dung i gabe mamancur ma aek haruar sian batu i. Marhite i gabe tarparuar ho aek sian batu na godang i anso minum sude halahi dohot pahan-pahanan ni halahi.”

Dung i dilipatkon si Musa ma tungkot i tu batu na godang i pola dua noli. Manigor kaluar ma aek na doras sian batu i gabe minum halahi sude dohot pahan-pahanan ni halahi.

Dung i rap ma ia dohot si Harun palagutkon sude jolma i donok tu batu na godang i. Dung i didok si Musa ma, “Tangihon hamu ma angka na jogal roha. Angkon paroonnami aek sian batu na godang on di hamu.”