Popular Bible Verses from HAKIM-HAKIM 7

Share

Didok TUHAN ma tu si Gideon, “Mabahattu do anak buami. Nada tarlehen Au hamonangan di halahi maralohon halak Midian, angke dipikir halahi muse hara ni gogo ni halahi sandiri umbaen na monang halahi, gabe nada dilehen halahi pujian tu Au.

Dung i didok TUHAN ma tu si Gideon, “Rap dohot sitolu ratus halak na minum jongjong i ma giot paluaonKu hamu jana lehenonKu hamonangan tu hamu maralohon halak Midian. Anggo angka na asing i suru ma i mulak.”

Antong, pabotohon ma tu anak buami, ‘Ise na mabiar, angkon tadingkononna do Dolok Gilead on jana mulak tu bagasna.’ ” Gabe mulak ma dua pulu dua ribu halak; hum sampulu ribu noma na tinggal.

Jadi didok TUHAN ma mangulahi tu si Gideon, “Laing mabahattu dope anak buami. Jadi oban ma halahi tu batang aek. Disi ma Husaring halahi di ho. Muda Hutodo sada halak anso kehe rap dohot ho, angkon kehe do ia. Tapi muda Hutodo sada halak nada tola kehe dohot ho, nada tola ia kehe.”

Jadi dioban si Gideon ma halahi tu batang aek, lalu didok TUHAN ma tu si Gideon, “Sanga ise na jongjong manginum aek songon anjing angkon paasingonmu ma i sian ganop halak na marsinggang laho minum.” Adong ma tolu ratus halak na jongjong manginum aek sian tanganna; anggo na asing i sude marsinggang do laho minum.