Popular Bible Verses from JAKOBUS 3

Share

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

Muda adong do sian hamu na marroha jana na burju, dipatuduhon ia ma i dohot ngolu na denggan bope dohot pambaenan na denggan mardongan hatoruhon ni roha dohot habisuhon.

Tutu ma tarida hadengganan i na songon parbatu ni same ni dame na nisuan ni halak na mangkaholongi dame!

Muda masa pangiburuon dohot na manyarihon dirina be, masa muse ma disi hagaoron dohot sude ragam-ragam ni na jat.

Tarpake do i laho mandok tarimakasi tu Debata, Amanta, hape laing tarpake muse do i mamurai dongan jolma na nitompa mangihutkon rupa ni Debata. Sian pamangan na sada i haruar do angka hata pasupasu jana dohot muse angka hata bura. Nada tola songon i hamu ale angka dongan!

Songon api do dila i. Asar ni hajahatan do dila i di pamatangta na pararatkon hajahatan tu sude dirinta. Markite-hite api na sian narako i, dipamosok ia ma sude ngolunta.

Tapi anggo dila ni jolma umpe sahalak na tarbaen pajinakonsa. Jahat do dila i jana nada tarrajai; jana gok rasun na mamatehon.

Hamu ale angka dongan! Ulang ma bahat sian hamu na marpor ni roha gabe guru. Nada he diboto hamu do anggo hita na gabe guru angkon umborat do uhumanna sian angka halak na asing i.