Popular Bible Verses from IBRANI 5

Share

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

Satutuna nian, madung hatihana gabe guru hamu, hape angkon laing porlu dope hamu marsiajar tu halak na asing taringot tu ojahan ni angka pangajaran ni Debata. Laing na so tarpangan hamu dope panganon na pir; angkon laing minum susu sajo dope hamu. Sanga ise na laing manyusu, tontu nada diastui ia dope ajaran taringot tu na tigor, harana dakdanak dope ia.

Haru pe Anak Ia, laing na nipabangkit ni Debata do Ia. Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.