Popular Bible Verses from IBRANI 10

Share

Ulang ma tatinggalkon parlagutanta i, songon na nibaen ni na deba. Angkon mur umburju ma nian hita marsipaingotan sama hita, angke taboto do, ro ne ma Tuhan i.

Jana marsipamanatan ma hita sama hita anso tarbaen hita marsiparinggasan patupahon angka na denggan dohot patuduhon holong marsihaholongan.

Togu ma hita marsitiopan tu arop ni rohanta na dung taoku i angke haposan do Debata, patulusonNia do janjiNia.

Porlu do sobar hamu, jana muda dung dipatulus hamu hagiot ni Debata, jagitonmunu ma janji i.

Antong hara ni i, tapadonok ma tu Debata mardongan roha na bulus dohot haporsayaan na tutu tu Debata; bope dohot roha na dung dipaias sian pangkilalaan na sala, bope dohot pamatang na dung nipaias dohot aek na lan.

Jadi hara ni i, ulang mandele hamu, angke muda togu do haporsayaanmunu, adong do upa na godang disi!

Harana anggo dung dipasahat do tu hita jamita na sian Debata, hape laing tapupu do tasangajo mambaen dosa, gabe nada adong sada haul pe na tarbaen manyesa dosanta. Hum na manjagit pangadilan ni Debata sajo noma hita dohot manjagit hagugurgur ni muruk ni Debata na mangabiskon sanga ise halak na mangalo Debata!