Popular Bible Verses from JEHESKIEL 37

Share

Dung i disuru ma au palalu tonaNia tu angka holi-holi na mahiang i, ‘Au, Tuhan DEBATA mangombuskon hosa hangoluan tu bagasan dirimunu anso mangolu hamu mangulahi.

Hubaen urat dohot juhut tu hamu jana Hubalut hamu dohot huling-kuling. LehenonKu ma hosa tu hamu anso mangolu hamu. Jadi gabe botoonmunu ma Au do TUHAN.’

Disapai TUHAN ma tu au, “Ale anak ni jolma, tarbaen dope angka holi-holi on mangolu mangulahi?” Hualusi ma, “Ale, Tuhan DEBATA, hum Ho do umbotosa.”

Taraso ma tu au hagogoon ni TUHAN, jana dioban tondiNia i ma au manuat tu sada rura na gok dohot holi-holi. Ditogu TUHAN ma au marhuliang-huliang di rura i, jana huida ma na marampar do hape di rura i sude angka holi-holi na lobi bahat jana na mahiang situtu.

Dung i mangkuling ma au tu holiholi i hombar tu parenta ni TUHAN i. Jana taran manghobari au, hubege ma sora maturapak, harana mamungka ma angka holi-holi i mardomu na sada tu na asing. Taran mangaligi-ligi dope au, mamungka ma marurat jana marjuhut angka holi-holi i, jana marhuling-kuling tapi nada markosa dope angka pamatang i.