Popular Bible Verses from HARURUAR 32

Share

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

Didok TUHAN ma tu si Musa, “Kehe ma ho manuat, harana ma gabe marrorang bangsomi na niobanmu ruar sian Mesir. Manigor manyimbil do halahi antong sian dalan na Huparentahon tu halahi; dibaen halahi do anak ni lombu sian sere na nituang jana tusi ma halahi marsomba dohot mamelehon haul, didok halahi ma: Hamu ale halak Israel, on ma debatamunu na dung manogu hamu ruar sian tano Mesir.”

Dung diida si Harun lombu sere i, dipajongjong ia ma langgatan di jolona i. Didok si Harun ma, “Ancogot ari pesta do di TUHAN!” Jana ancogotna i sogot dope dipelehon halahi ma haul situtungon dohot haul pardamean; jadi juguk ma bangso i mangan dohot minum, dung i jongjong ma halahi manortori.

Ancogotna i mandok hata ma si Musa tu bangso i, “Madung mardosa godang hamu, tapi saonnari manangkok ma au mangadop tu TUHAN, betak na tarpatupa dope hadamean patunda ni dosamunu i.”