Popular Bible Verses from PANGARATAION 4

Share

Jalahanmunu ma disi TUHAN Debatamunu, jana muda sian sandok roha dohot tondimunu hamu manjalahi Ia, dumpang hamu ma Ia.

Debata na gok ibo ni roha do TUHAN i. Nada tadingkononNia sanga abiskononNa hamu, jana nada halupahononNia parjanjian na nibaenNia sandiri dohot ompumunu.

dibaen songon api do TUHAN Debatamunu i na mamosokkon; nada ra Ia padiarkon adong imbangNia.

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu

Antong sadari on, ingot jana na so tola lupa hamu: Debata di langit dohot di ginjang ni tano on do TUHAN. Nada adong debata na asing be.

Anggo angka bangso na asing sanga na bia pe godangna, nada adong debatana na songon i donokna muda dihaporluhon songon donok ni TUHAN Debatanta tu hita. Dialusi Ia do hita sanga na andigan sajo hita pio-pio mangido tolong.

Muda di bagasan hasusaan hamu, jana timpal sude parmaraan i tu dirimunu, gabe mulak tu TUHAN ma hamu ujungna jana oloanmunu ma Ia.

Sandok na huparentahon i, ulang tambai sanga urahi hamu saotik pe. Oloi hamu ma angka parenta ni TUHAN Debatamunu na hulehen i tu hamu.