Popular Bible Verses from DANIEL 8

Share

Mur martamba ma hagogoonnia, tapi nada sagogo ni na parjolo i. Paroonnia ma hamamago na jorbut situtu, jana sai tulus do sanga aha na nibaennia. Bunuonnia ma angka halak na gogo dohot bangso ni Debata. Dibaen malo do ia manipu, sai tulus do angka sipaoto-otonia. Dihaginjangkon ia ma dirinia, jana nada pola jolo mangalehen sipaingot matehononnia ma bahat jolma. Salang Raja ni sandok raja pe dialo ia do. Tapi roncohonon do ia nada pola hara ni gogo ni jolma.

“Paboaonku ma tu ho sanga aha na giot tarjadi muse hara ni hamumuruk ni Debata. Angke tudu-tudu tu hatiha na parpudi do parnidaanmi. Biri-biri jantan na niidami, na martanduk dua, i ma manggambarkon harajaan Media dohot Persia. Hambeng jantan i, i ma manggambarkon harajaan Junani, jana tandukna na joljol i di holang-kolang ni matana na dua i, i ma rajana na parjolo.