Popular Bible Verses from DANIEL 3

Share

Jadi ro ma alus ni si Sadrakh, si Mesakh dohot si Abednego tu Raja Nebukadnesar: “Nada adong gunana alusannami ho anggo taringot tu nanidokkonmi. Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i. Tapi sugari nada dibaen Ia songon i, diastui raja i ma anggo hami nada sombaonnami debata ni raja i jana patung sere na nipajongjong ni raja i pe nada sombaonnami.”

Dialusi raja i ma, “Antong biasi opat halak huida mardalan-dalan di bagasan api i? Nada martambat halahi jana nada bagi mahua. Jana na paopatkon i songon anak ni angka debata do tompana.”

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

Hara ni i, huparentahon tu ganop halak sian bangso dohot marga ni bangso sanga hata na dia pe na mandokkon hata incak tu Debata na nisomba ni si Sadrakh, si Mesakh dohot si Abednego, angkon nilobong-lobong noma i jana bagasna i dirumpakkon. Angke nada adong debata na margogo mambaen songon na nibaen ni Debata i.”