Dompak mangalombut bagalnia si Absalom, ompot ma marsuo ia dohot parangan ni si Daud. Mamolus bagalnia i di toru ni hayu na godang, jana sangkot ma ulu ni si Absalom di sada dangka. Marlojong torus bagalnia i, gabe tinggal ma si Absalom disi laing gantung-gantung. Adong ma sada sian parangan ni si Daud i marnida si Absalom na gantung-gantung i di hayu na godang i jana dipaboa ia ma tu si Joab, “Tuan, nangkin huida do si Absalom gantung-gantung di hayu na godang!”