Popular Bible Verses from 1 TESSALONIKA 5

Share

Sai marjop ni roha ma hamu tongtong, jana tongtong martangiang. Di sude pangalaho na masa, tongtong ma hamu mandok tarimakasi, angke na songon i do dipangido roha ni Debata sian hamu songon angka na mangolu marsada dohot Jesus Kristus.

Debata pardame i ma paiaskon hamu sasudena, dipaburju Ia ma hamu anso hum tuSia sajo ngolumunu. Sai dijagohon Debata ma nian hamu sudena, di tondi, di roha bope pamatangmunu, anso ulang targora lopus tu ari haroro ni Tuhanta Jesus Kristus mangulahi. Haposan do Debata na mamiohon hamu, patulusonNia do songon i tu hamu.

Jagohon hamu ma anso ulang adong sanga ise na mambaloskon hajahatan dohot hajahatan. Usahohon hamu ma anso tarbaen hamu na denggan sama hamu bope tu halak sudena.

Hara ni i, marsipaingotan ma hamu jana marsipatoguan di haporsayaan, laing songon na nibaenmunu saonnari.

Laing hami pangido dope, hamu ale angka dongan, anso gorahon hamu angka halak na so maraturan. Apoi hamu ma angka na menek roha; urupi hamu ma angka na gale jana sobar ma hamu maradopkon halak sudena.

Dipili Debata pe hita nada anso hona rimas ni rohaNia, tapi anso dapot hita do haluaan markite-hite Tuhanta Jesus Kristus.

Halak na mangolu di hatorangan do hamu sudena; jana angka halak arian do hamu. Nada angka halak na sian borngin hita, sanga angka halak ni hagolapan.