Popular Bible Verses from 1 PETRUS 3

Share

Tapi di bagasan rohamunu, parbadia i hamu ma Kristus songon Tuhan! Jana angkon singkop do hamu tongtong laho mangalusi sanga ise na manyapai hamu taringot tu pos ni rohamunu di angka na niarop ni rohamunu sian Tuhan. Tapi mardongan lambok ni roha dohot hapantunon ma baen hamu i sudena. Jana angkon ias do taroktokmunu, anso maila sandiri sanga ise na manilakoi hamu hara ni na denggan pardalananmunu songon siihutkon Kristus.

Angke sai disarihon Tuhan do angka halak na mangihutkon hagiot ni roha ni Debata, jana sai na tangihonon ni Tuhan do angka tangiang ni halahi; tapi dialo Tuhan i do angka halak na mambaen hajahatan.”

Ulang ma hum sian duru hajegesonmunu isarana songon parsuri ni obukmunu sanga pamake ni barang sere, sanga pamake ni baju. Tapi na sian roha ma nian hajegesonmunu; umpamana halambohon dohot hadameon ni pangalaho; i do hajegeson na manongtong na mararga situtu di parnidaan ni Debata.

Di Buku Na Badia i tarsurat do songon on, “Sanga ise na giot maruli hangoluan jana na giot mandai angka ari na denggan, angkon jagohononna do dilana anso ulang dohot mangkobari angka na jat jana ulang mandok hata gabus bibirna. Angkon mandao do ia sian na jahat jana dipatulus ia ma na denggan; marsitutu ma ia parayakkon hadameon.

Songon on ma panyimpulina: Angkon saroha do hamu jana sapangkilalaan. Marsihaholongan ma hamu na sada tu na asing songon na markahamaranggi. Jana marsiasi-asian ma hamu jana martoruk ni roha na sada tu na asing. Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

Ise ma he ra mambaen na jahat tu hamu anggo sai jop do rohamunu mambaen na denggan?

Angkon mandao do ia sian na jahat jana dipatulus ia ma na denggan; marsitutu ma ia parayakkon hadameon.

Gumonan dope manaon parkancitan hamu hara ni na mambaen na denggan – muda na tumbuk ma i tu roha ni Debata – ulang pado manaon hara ni na mambaen na jahat.