Popular Bible Verses from 1 KORINTUS 6

Share

Sanga nada he diboto hamu, pamatangmunu do inganan ni Tondi Parbadia i? Sian Debata do pamatangmunu, jana nada hamu nampuna dirimunu. Madung ditobus Debata hamu jana lunas digarari Ia. Hara ni i, denggan ma pake hamu pamatangmunu i anso marsangap Debata.

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus, angka panangko, na mangkaut tu diri dohot parmabuk, angka na sai ra manilakoi halak, dohot angka na mambuat sian halak na so bagianna – sude halak sisongon i nada dapotan bagian di Harajaan Ni Debata.

Padao hamu ma dirimunu sian hahodaron. Angke sude dosa na asing i na nibaen ni jolma, di ruar ni pamatangna do i tarjadi. Tapi anggo halak na marhamainan, na mambaen dosa tu pamatangna sandiri do i!

Adong do deba na mandok, “Sanga aha pe tola do baenonniba.” Tapi anggo di au nada sude marguna. Jadi haru pe tola au mambaen sanga na aha, nada ra au padiarkon diringku dirajai sanga na aha pe.

Madung dipangolu Debata Tuhan Jesus sian hamatean, songon i muse ma pangoluon ni Debata hita markite-hite kuasoNia.