Popular Bible Verses from 1 KORINTUS 1

Share

Angke sangajo do dipili Debata angka na oto didok portibi on, anso gabe maila angka halak na pistar i. Jana dipili Debata muse do angka na gale ninna portibi on, anso maila angka halak na gogo.

Harana anggo di halak na hona uhum ni Debata, songon haotoan do barita taringot tu hamamate ni Kristus di parsilang i. Tapi anggo di hita na nipalua ni Debata, kuaso ni Debata do barita i.

Harana pangalaho na niida songon haotoan ni Debata, dao ummalo dope i sian hamaloan ni jolma; jana na niida songon hagalean di Debata, dao gumogo dope i sian hagogoan ni jolma.

Pos do roha di Debata, nada adong sihagangguhonon diSia. Ia do Debata na mamio hamu gabe sada dohot AnakNa i, i ma Jesus Kristus Tuhanta i.

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

Di dia dehe angka na bisuk i? Di dia dehe angka Siboto Surat i? Di dia dehe angka pangalo na sian portibi on? Nada he madung dibaen Debata habisuhon ni portibi on gabe hatoon?