Popular Bible Verses from ZABUR 71

Share

Sabab Droeneueh kheueh harapan ulôn, ya TUHAN, TUHAN, ulôn peucaya ubak Droeneueh yoh phon umu lôn mantong muda.

Neupeujeuet kheueh keu ulôn lagée gunong batée teumpat ulôn tinggai, nyang mudah ulôn jak keunan tieb-tieb watée. Sabab Droeneueh ka neupeuputôh keu neupeuseulamat ulôn, Droeneueh kheueh teumpat ulôn meulindong dan teumpat lôn meuceue.

Teuma ulôn sabe meuharab ubak Droeneueh, dan seumaken le lôn pujoe Droeneueh.

Bak Droeneueh ulôn meulindong, ya TUHAN, bék neupeubiyeu ya TUHAN, ulôn nyoe jipeumalée.

Ulôn sabe lôn pujoe Droeneueh, sipanyang uroe ulôn jak peugah keuagongan Droeneueh.

Tieb uroe sabe ulôn calitra buet-buet Droeneueh nyang ade, dan keuseulamatan nibak Droeneueh nyang hana teukira.