Popular Bible Verses from ZABUR 31

Share

Cinta kheueh TUHAN, hai banmandum umat Gobnyan, TUHAN geulindong ureuëng nyang seutia. Teuma ureuëng nyang cungkak ngon sombong geuhuköm lé Gobnyan deungon ázeub nyang hana teukira.

Teuma ulôn meuharab ubak Droeneueh, ya TUHAN, sabab Droeneueh kheueh Allah ulôn.

Neusumpai kheueh babah bubena ureuëng nyang sulet nyang deungon sombong jipeuhina ureuëng jujoe.

Dipat mantong na keusosahan; ulôn deungoe jimeusáh-sáh lé musoh lôn. Awaknyan ka sipakat jilawan ulôn, dan jipeugöt reuncana keu jijak poh ulôn.

deungoe kheueh ulôn dan peubeubaih kheueh ulôn deungon sigra. Neupeujeuet kheueh keu ulôn lagée gunong batée teumpat ulôn meulindong, lagée kuta nyang khong, diteumpat nyan ulôn seulamat.

Neupeulheueh kheueh ulôn nibak taron nyang jipasang keu ulôn, sabab Droeneueh kheueh teumpat ulôn meulindong.

Teungoh lôn bingong lôn sangka TUHAN geuböih ulôn nibak hadirat Gobnyan. Teuma Gobnyan ka geudeungoe peue nyang ulôn lakée watée ulôn meulakée ubak Gobnyan.

Keu teupimpén kor. Zabur Nabi Daud.