Popular Bible Verses from ZABUR 119

Share

Sabda Droeneueh na kheueh panyöt tanglong keu tieb-tieb langkah lôn, cahya nyang trang nibak jalan lôn.

Ajaran Droeneueh ulôn keubah didalam até, mangat ulôn bék meudesya keu Droeneueh.

Ureuëng muda hase jipeuteun udeb jih hana meucupa meunyoe jihnyan udeb nyang sisuai deungon peurintah Droeneueh.

Mubahgia kheueh ureuëng nyang jiseutôt peurintah Gobnyan, dan deungon sigeunab até ji useuha jituri TUHAN.

Droeneueh kheueh nyang bila dan peulindong lôn, ulôn meuharab ubak janji Droeneueh

Neupeujeuet kheueh ulôn mangat muphom ubak huköm Droeneueh jeuet lôn taát, dan ulôn peubuet deungon sipeunoh até.

Neubri kheueh keu ulôn hasrat keu lôn taát ubak peurintah Droeneueh, leubeh nibak meuheuet beujeuet keu ureuëng kaya.

Bit get that Droeneueh neuhuköm ulôn, jeuet ulôn turi ubak keuteutapan-keuteutapan Droeneueh.

Nyoe kheueh nyang peulalo ulôn lam peundeuritaan, bahwa janji Droeneueh nyan teuba ulôn ubak udeb.

Seumoga ulôn lôn mumat teugoh ubak peurintah Droeneueh, sabab nyan kheueh nyang ulôn harok.

TUHAN, neupeurunoe kheueh ulôn peue makna keuteutapan-keuteutapan Droeneueh, mangat ulôn jeuet lôn seutôt sampoe án akhé.

Jiwa ulôn ka hanco meukeupeng-keupeng keunong keusosahan, neupeukong kheueh ulôn nyang sisuai deungon janji Droeneueh.

Padub na ulôn cinta ubak huköm Droeneueh; hainyan teutab ulôn pike ngon lôn zike sipanyang uroe.