Popular Bible Verses from ZABUR 103

Share

Pujoe kheueh TUHAN, hai jiwa lôn, bék tuwoe ubak bandum nyang jroh nibak Gobnyan!

Gobnyan nyang peuamphon banmandum desya gata, nyang peupuléh banmandum peunyakét gata, Gobnyan nyang peubeubaih nyawöng gata lam jrat, nyang bri keu gata geunaséh nyang meulimpah-limpah. Gobnyan nyang peupueh udeb gata deungon banmandum nyang jroh, sampoe gata awet muda lagée cicém rajawali.

Nibak Nabi Daud Pujoe kheueh TUHAN, hai jiwa lôn, bansaboh baten lôn, pujoe kheueh nan Gobnyan nyang kudus.

Lagée sidroe ayah nyang geugaséh keu aneuëk-aneuëk gobnyan, meunan kheueh TUHAN geugaséh keu ureuëng nyang taqwa.

Sijiôh timu nibak barat, sidubnyan kheueh geuböih dumna desya-desya geutanyoe.

Sabab TUHAN na kheueh peungaséh dan peunyayang, Gobnyan panyang saba dan geunaséh Gobnyan meulimpah.

Gobnyan hana geuhuköm geutanyoe nyang sisuai deungon desya geutanyoe, atawa geubalaih geutanyoe nyang sipadan deungon salah tanyoe. Teuma simanyang langét di ateueh bumoe, bubenyan kheueh geunaséh Gobnyan keu ureuëng nyang taqwa.

TUHAN geumat peurintah di syeuruga, Gobnyan raja nyang mat peurintah ateueh meubagoe rupa.