Popular Bible Verses from AMSAL 19

Share

Manusia le that reuncana, teuma keuputosan TUHAN kheueh nyang teulaksana.

Ureuëng nyang tulông ureuëng gasien saban lagée ureuëng bri pinjaman ubak TUHAN; singoh TUHAN geubalaih teuma.

Ureuëng bijaksana hase jipeuteun meunyoe jihnyan beungéh. Ureuëngnyan teupujoe sabab hana jipakoe gob laén nyang salah ateueh jihnyan.

Meunyoe gata galak meurunoe dan tadeungoe naseuhat, singoh gata jeuet keu ureuëng nyang meuhikeumat.

Horeumat kheueh TUHAN, udeb gata teuma mubahgia; gata teuma puih dan beubaih nibak bala.

Soe nyang tiyeub iéleumé peungeutahuan, ureuëng nyan tanda jigaséh keudroe jihnyan; dan soe mantong nyang ji-ingat ubak peue nyang ka jimeurunoe, ureuëng nyan teuma mubahgia.

Peuteureuteb laju aneuëk gata simantong na harapan; meunyoe hana, saban cit gata meuharab ubak keuhancoran.

Ureuëng nyang meusulet di kantô peungadelan pasti teuma geuhuköm dan geupeubinasa.