Popular Bible Verses from AMSAL 15

Share

Deungon teujaweueb nyang ramah, beungéh nyang kana nyan hase reuda; meunyoe teujaweueb nyang peudeh teupeubeudôh beungéh nyang hana teukira.

Teumakot ubak TUHAN na kheueh dasai peundidekan nyang jroh; dan keuhormatan awai nibak keumiyueb até.

Tutoe haba nyang jroh meutamah seumangat, dan tutoe haba nyang peudeh teupeuleumoh hasrat.

Reuncana hase gagai, meunyoe hana teupike-pike; dan reuncana meuhase, meunyoe le ureuëng bri naseuhat.

Meunyoe até sabe geumbira muka ureuëng nyan meucahya; teuma meunyoe até nyang seudeh seumangat hase patah.

TUHAN geungieng banmandum nyang teujadi di jeueb-jeueb teumpat; Gobnyan geupeurati banmandum nyang gét dan nyang jeuhet.

Leubeh gét bacut hareuta geutakot ubak TUHAN, nibak hareuta nyang le teuma sabe lam keuadaan gundah.

Ureuëng nyang bagaih beungéh nibak ureuëng nyan bagaih that jipeudong dakwa, teuma ureuëng nyang saba nibak ureuëng nyan jiba damé.

Ureuëng nyang jroh jipike ilée meunyoe jimeututoe; dan di ureuëng jeuhet jipeugah haba hai-hai nyang kutoe.