Popular Bible Verses from AMSAL 13

Share

Ureuëng nyang meungon ngon ureuëng bijaksana, teuma jeuet keu ureuëng bijaksana; teuma ureuëng nyang jimeurakan deungon ureuëng bangai, teuma meuteumé bala.

Ureuëng nyang até-até nibak tutoe haba meuteumé aman lam udeb jih; teuma ureuëng nyang jipeugah haba ban galak droe teuma rhot ubak malang.

Hana teutem poh aneuëk, saban cit hana teugaséh keu aneuëk nyan; meunyoe cinta, harôh tajeuet tapoh aneuëk nyan.

Meunyoe harapan hana teupeupeunoh, baten hase meurana; meunyoe nyang teukeuheundak teukabui, até keubit bahgia.

Keujujoran teulindong keu ureuëng nyang udeb geuh teupat; jeuhet jipeuhanco ureuëng nyang meudesya.

Keukayaan nyang jiteumé deungon mudah bagaih meukureueng; teuma hareuta nyang jipeusapat bacut deumi bacut bagaih meutamah le.

Ureuëng nyang angkoh nyang jipeuhase na kheueh dakwa-dakwi; ureuëng nyang bijaksana geutem teurimong ajaran.

Ureuëng nyang gét jipeuwaréh keukayaan keu aneuëk cucoe jih; teuma keukayaan ureuëng nyang meudesya teukeubah keu ureuëng nyang jujoe udeb jih.

Aneuëk nyang áreh jisimak meunyoe ureuëng syiek jih teungoh bri peutuah; teuma di ureuëng sombong hánjitem teurimong nyang meunyoe teutam.

Ureuëng nyang hánjitem teudidek jihnyan jeuet keu ureuëng gasien dan hina; teuma ureuëng nyang jideungoe naseuhat jihoreumat lé gob.