Popular Bible Verses from YOSUA 23

Share

Jinoenyoe ka watée jih ulôn maté. Gata banmandum, maséng-maséng tateupeue that bahwa TUHAN Po teu Allah gata ka geubri keu gata banmandum nyang jroh nyang geupeujanji nyan. Tieb-tieb janji Gobnyan ka geupeupeunoh, hana meusapeue pih nyang hana geupeutrok.

Lé sababnyan, ingat kheueh mangat tagaséh TUHAN Allah gata.

Tieb-tieb ureuëng lamkawan gata hase jipeutaloe meuribée ureuëng nibak awaknyan, sabab TUHAN Po teu Allah gata nyang meuprang keu gata, lagée nyang ka geupeujanji nyan.

Teuma gata harôh teutab seutia ubak TUHAN, lagée nyang ka lheueh gata peubuet trok nibak uroenyoe.

Lé sababnyan, jaga kheueh mangat gata jeuet tataát dan gata peubuet banmandum nyang na teutuléh lam Kitab Huköm Nabi Musa. Bék kheueh gata liengkeu meusaboh pi nyang na nibak huköm-huköm nyan.