Popular Bible Verses from NABI YEREMIA 22

Share

“Tapeubuet kheueh nyang ade dan jujoe. Tapeu lheueh kheueh ureuëng nyang jipraih ngon jitindéeh nibak keukuasaan ureuëng nyang praih ngon nyang tindéeh nyan. Bék tapeubuet nyang jeuhet ateueh ureuëng aséng, aneuëk yatém ngon meuntui, atawa inong balée. Bék kheueh tapoh maté ureuëng nyang hana meusalah nibak teumpat nyoe.

Deungoe kheueh he Raja Yoyakim! Meunyoe gata tapeudong meuligoe ngon kayée ceumara Libanon nyang paleng gét, peu kheueh nyan sibagoe bukeuti bahwa gata raja nyang leubeh gét nibak raja-raja laén? Cuba ingat ubak ureuëng syiek gata: Gobnyan geurasa udeb nyang bahgia dan meuhase lam peue mantong useuha jih, sabab jihnyan sabe teupat dan jujoe dan jipeusidang peukara nyang gasien deungon ade. Lagée nyan kheueh seuharôh jih buet ureuëng nyang jituri ubak TUHAN.

Ceulaka kheueh nyang jipeudong rumoh jihnyan deungon hana keuadelan, dan jipeuluwah rumoh nyan deungon hana jujoe. Ceulaka kheueh jihnyan nyang jiyue gob mubuet hana jijok upah.