Popular Bible Verses from NABI YEREMIA 19

Share

bahwa TUHAN Nyang Mahakuasa, Allah Israel, meufeureuman lagée nyoe, “Sabab gata kreueh ulée dan hántatem deungoe sapeue, teuma Ulôn kupeuteuka u ateueh banda nyoe dan u ateueh banmandum gampông nyang nibak binéh-binéh nyoe banmandum reuncana nyang ka Ulôn reuncana.”

Awaknyan jipeudong miseubah keu Baal keu jipeuseumah aneuëk-aneuëk awaknyan sibagoe keureubeuen nyang teutot, padahai Ulôn hántom na Lôn yue bak awaknyan nyang lagée nyan, teuma hántom na hai lagée nyan nyang na teupike lam pikeran Lôn.

Hai nyan Ulôn peubuet sabab bansa nyan ka jitinggai Ulôn. Awaknyan ka jipeukuto teumpat nyoe deungon cara jipeuseumah keureubeuen keu dewa-dewa nyang aséng nibak awaknyan, nibak indatu awaknyan dan nibak raja-raja Yehuda. Meunan cit awaknyan ka jipaso teumpat nyoe deungon darah ureuëng-ureuëng nyang hana meusalah.