Popular Bible Verses from NABI YEREMIA 17

Share

Teuma ureuëng nyang meuharab ubak Ulôn, ureuëng nyan Lôn bri beureukat hana reuda. Ureuëng nyan lagée bak kayée nyang timoh binéh krueng nyang ié krueng nyan sabe ji ile; ukeue bak kayée nyan jimeu éue trok lam ié. Hana jitakot musém keunong khueng, ôn-ôn kayée nyan sabe ijo. Bahpi nanggroe habéh tho sabab musém khueng, bak kayée nyan hana yo sabab kayée nyan hántom putôh bak jimuboh.

Até manusia hana nyang hase gob duga, paleng licek nibak peue nyang na dan lumpah that parah deungon peunyakét.

Ulôn, TUHAN, nyang seulidek até, baten manusia Ulôn nyang ujoe. Tieb-tieb ureuëng Lôn balaih sisuai deungon pi-e nyang ji peubuet, dan Lôn peusaneut sisuai deungon buet nyang jikeureuja.”

TUHAN meufeureuman, “Meunyoe ureuëng jitinggai Ulôn, TUHAN jihnyan, dan jimeuharab ubak manusia dan jimeusadeue ubak teunaga manusia nyan, teuma Ulôn kuhuköm ureuëng nyan. Ureuëng nyan lagée seunaman nyang timoh lam padang, bak tanoh nyang tho, seungue seungab dan meusira teuma, hántom na jirasa gét.

TUHAN, peupuléh kheueh ulôn, teuma ulôn jeuet keu seuhat. Peuseulamat kheueh ulôn, teuma ulôn seulamat. Droeneueh kheueh mantong nyang ulôn peumulia!