Popular Bible Verses from HAKÉM-HAKÉM 6

Share

Malaikat TUHAN laju geupeuleumah droe ubak gobnyan sira geupeugah, “Hai, peumuda nyang peukasa! TUHAN na meusajan deungon gata!”

Óh ka lheueh nyan TUHAN geubri teuma peurintah lagéenyoe ubak Gideon, “Deungon sigala teunaga gata tajak peuleuh kheueh ureuëng Israel nibak keukuasaan ureuëng Midian. Ulôn kheueh nyang kirém gata.”

“Pasti gata hase!” kheun TUHAN, “sabab Ulôn kheueh nyang tulông gata. Ureuëng-ureuëng Midian teuma hase gata peuhanco deungon mudah, siulah-ulah nyang gata peukeunyan sidroe ureuëng mantong.”

Ji seuôt lé Gideon, “Meuáh, teungku! Meunyoe beutôi TUHAN na meusajan deungon kamoe, pakon banmandum hai nyoe jiteuka u ateueh kamoe? Dipat kheueh banmandum buet nyang ajaéb nyang ka geupeubuet lé TUHAN yoh masa ilée nyang ka lheueh geupeugah lé indatu kamoe keuhai pakriban TUHAN geupeuteubiet awaknyan nibak nanggroe Meusé? Jinoenyoe TUHAN ka geutinggai kamoe dan geupeubiyeu kamoe jikuasa lé ureuëng-ureuëng Midian.”

Geujaweueb lé Gideon, “Pakon jeuet ulôn, ya TUHAN? Panena mungken ulôn peuleuh umat Israel nibak keukuasaan ureuëng Midian. Didalam sukée Manasye, kawöm ulôn kheueh nyang paleng leumoh. Dan didalam sukée ulôn, ulôn kheueh ureuëng nyang paleng hana meuguna.”

Bak si uroe malaikat TUHAN geujak ubak Ofra, laju geuduek dimiyueb bak sala, atra Yoas, Yoas nyan na kheueh sidroe nibak golongan kawöm Abiezer. Aneuëk jih nyan nan jih Gideon, sidroe ureuëng tukang prah gandom nibak teumpat teuprah ié anggô. Gobnyan geupeubuet nyan deungon teumusöm-musöm mangat hana jingieng lé ureuëng Midian.

Lé Gideon laju jipeuget saboh miseubah disinan, dan geuboh nan miseubah nyan “TUHAN Punca Seujahtra”. Miseubah nyan sampoe án jinoe mantong na di Ofra, nibak banda ureuëng Abiezer.

Geujaweueb lé Gideon, “Meunyoe ulôn nyoe beutôi-beutôi geugalak lé TUHAN, cuba kheueh neubri saboh tanda bahwa keubiet TUHAN kheueh nyang bri peurintah nyan ateueh ulôn.

Teuma TUHAN geupeugah ubak gobnyan, “Teunang kheueh, bék teumakot. Gata hana teuma maté.”

Lom sigoe teuk ureuëng Israel meudesya ubak TUHAN, akhé jih Gobnyan geupeubiyeu mantong bansa Midian jikuasa awaknyan na tujoh thon treb jih.