Popular Bible Verses from YAKOBUS 1

Share

Syedara-syedara! Meunyoe gata jiteuka meubagoe macam cubaan, keubah kheueh lam até gata bahwa nyan na kheueh laba keu gata. Sabab gata tateupeue, meunyoe gata teutab meuiman ubak Tuhan bak watée teuka cubaan nyan ateueh gata, akibat jih na kheueh: gata jeuet keu ureuëng nyang tabah.

Meunyoe na sidroe lamkawan gata nyang hana bijaksana, bah kheueh jihnyan jilakée ubak Allah, ngon lagée nyan Allah teuma geubri keubijaksanaan nyan bak jih; sabab keu tieb-tieb ureuëng, Allah geubri ngon murah até dan ngon peurasaan gaséh sayang.

Ngieng kheueh nyoe beugét-gét, Syedara-syedara lon nyang lôn gaséh! Tieb-tieb ureuëng meuseuti bubagaih lam jideungoe, teuma mulet jimeututoe dan mulet teuma jiteuka beungéh.

Jaga kheueh mangat tabah até gata nyan meukeumang sabe sampoe gata biet-biet sampoereuna dan hana kureueng lam hai peue mantong.

Bah kheueh gata peubuet peue nyang geupeugah lé Allah, bék gata deungoe mantong, sampoe deungon lagée nyan ka gata tipée droe teuh keudroe.

Mubahgia kheueh ureuëng nyang tabah watée ateueh jih keunong cubaan. Sabab óh ka lheueh jihnyan meuhase lam cubaan nyan, ureuëng nyan teuma jiteurimong upah jih, nyan kheueh udeb nyang ka geupeu janji lé Po teu Allah keu ureuëng-ureuëng nyang gaséh ubak Allah.

Tieb-tieb meuneubri nyang jroh dan hadiah nyang sampoereuna atra nyan teuka nibak syeuruga, nyang geupeutron lé Po teu Allah, nyang cebta mandum nyang trang di langét. Gobnyan kheueh Allah nyang hana meu-ubah, dan hana teuma jeuet keuseupôt lé peue mantong.

Ureuëng nyang deungoe feureuman Allah, teuma hana jipeubuet na kheueh lagée ureuëng nyang teungoh jikalon muka jih keudroe nyang sibeuna jih dikeue ceureumen. Óh ka lheueh jikalon gét-gét, laju jijak dan tuwoe pakriban ruman jih nyan.

Keuhai taát meuagama nyang gleh dan seujati meunurot bak mata Allah Bapak na kheueh: tatem tulông aneuëk yatem ngon aneuëk muntui dan inong-inong balée nyang udeb meudeurita, dan jijaga droe jih keudroe mangat bék jipeurusak lé donya nyoe.

Meunyoe sidroe-droe ureuëng teupeudaya ngon cubaan nyang lagée nyan, bék kheueh jipeugah, “Godaan nyoe teuka nibak Allah,” sabab Allah hana hase teupeudaya lé nyang jeuhet, dan hana teuma geupeu daya soe-soe mantong. Teuma ureuëng teupeudaya meunyoe jihnyan teutarek dan meunafeusu ngon keuheundak jih keudroe nyang jeuhet.

Ureuëng Kristen nyang gasien bah kheueh meurasa mangat até meunyoe Po teu Allah geupeu manyang jih nyan.