Popular Bible Verses from KITAB NABI YESAYA 9

Share

Gobnyan geumat peurintah sibagoe raja keuturonan Nabi Daud, keurajeuen gobnyan rayeuk lumpah na. Nanggroe gobnyan sabe damé seujahteura; peumeurintah gobnyan dasai jih nibak huköm dan keuadelan jinoe sampoe siumu masa. TUHAN Nyang Mahakuasa pasti geulaksana.

TUHAN, neujok keu awaknyan sukacita nyang rayeuk, Droeneueh peujeuet awaknyan jikém ngon seumurak nyang meuhubo. Awaknyan galak that até sabab Droeneueh jroh, lagée ureuëng nyang meusukaria watée jipeusapat hase panen, atawa jibagi-bagi hase teucue.

TUHAN ka geupeurhot huköman ateueh Israel.

Sidroe aneuëk ka lahé keugeutanyoe; keugeutanyoe ka geujok sidroe aneuëk agam. Gobnyan teuma jeuet keupeumimpén geutanyoe. Gobnyan teuboh nan: “Peunaseuhat Bijaksana”, “Allah Peukasa”, “Bapak Keukai”, “Raja Damé”.

Bansa nyang udeb lam seupôt jikalon cahya nyang trang. Nyang tinggai lam bubayang maté jipeupungéh lé cahya trang.

Droeneueh ka tacok beuban jih nyang geuhon dan kayée geunulam bak bahô gobnyan. Droeneueh ka neupeutaloe bansa nyang jeuhet nyan nyang tindéeh umat droeneueh. Saban lagée jamén nyang kalheueh watée Droeneueh peutaloe tantra Midian.

Sipatu tantra nyang su jih grab grub dan bajée jih nyang meulabo ngon darah, teuma habéh jipajoh lé apui.