Popular Bible Verses from KITAB NABI YESAYA 6

Share

Óh lheueh nyan laju lôn deungoe su TUHAN nyang geupeugah, “Soe nyang Ulôn utus? Soe nyang jeuet keu ureuëng ba haba geutanyoe?” Laju ulôn jaweueb, “Nyoe kheueh ulôn. Utus kheueh ulôn!”

Awaknyan jiteumawök sabe keudroe-droe: “Kudus, kudus, kudus. Kudus kheueh TUHAN Nyang Mahakuasa. Bumoe peunoh keuhaderan Gobnyan nyang mulia.”

Laju ulôn peugah, “Mupalo, hana harapan keu ulôn, sabab babah ulôn ka kuto ngon desya, dan ulôn tinggai di lamkawan bansa nyang lagée nyan cit teuma. Bahpi meunan, deungon mata ulée lôn keudroe ulôn ka lôn ngieng Raja, TUHAN Nyang Mahakuasa!”

Bak thon Raja Uzia meuninggai donya, ulôn deuh lôn ngieng TUHAN. Gobnyan geuduek di ateueh takhta Geuh nyang manyang dan mulia. Jubah Gobnyan teutôb banmandum Baét TUHAN.

Laju geupeutupéh bibi ulôn deungon ngéue apui nyan sira geupeugah, “Ngéue apui nyoe ka tupéeh nibak bibi gata. Jinoenyoe salah gata ka geusampôh dan desya ka geupeu amphon lé TUHAN.”

Ban sikeulileng Gobnyan na teudong makhluk-makhluk nyang hu lagée apui, maséng-maséng na nam boh sayeub. Dua böh sayeub teutôb nibak muka, dan dua teutôb teuma nibak badan jih, dan dua boh sayeub teuk geupeuguna keungon po.

Óh lheuehnyan saboh lamkawan makhluk nyan laju jipo ubak ulôn sira jiba ngéue apui nyang geucok deungon sineupet nibak miseubah.

Laju Gobnyan geuyue ubak ulôn beulôn jakba peusan nyoe ubak umat: “Gata teuma sabe tadeungoe, teuma hana muphom. Gata sabe tasimak, teuma hana tateupeue peue nyang teuma teujadi.”

Laju geupeugah kheueh lé Gobnyan ubak ulôn, “Peutumpôi kheueh pikeran ureuëng-ureuëng nyan, peutulo laju geulinyueng awaknyan dan peubuta laju mata jih nyan, mangat awaknyan bék deuh jikeumalon dan bék teuma jeuet jimeudeungoe atawa jimuphom, laju gisa ubak ulôn dan puléh teuma lagée ban nyang ka.”