Popular Bible Verses from KITAB NABI YESAYA 56

Share

TUHAN meufeureuman ubak umat Gobnyan, “Peubuet kheueh peue nyang ade dan nyang paih deungon huköm Lôn. Sabab hana treb le Ulôn teuka Lôn jak peuseulamat gata dan keuadelan Lôn kupeudeh teuma.

Ulôn jok beureukat keu ureuëng nyang peupeunoh keu uroe Sabat dan hana jipeukutoe uroe Sabat nyan. Ureuëng nyang hana peubuet buet nyang jeuhet ureuëng nyan Ulôn peusaneut deungon jroh that.”

TUHAN meufeureuman ubak ureuëng-ureuëng aséng nyang ka jitamong lam itongan umat TUHAN, nyang jicinta TUHAN dan meubakti ubak Gobnyan, nyang jihoreumat keu uroe Sabat dan seutia ubak peujanjian Gobnyan, “Gata Lôn ba u Sion, nibak bukét Lôn nyang suci, dan Ulôn bri keugeumbiraan di rumoh iébadat Lôn. Keureubeuen-keureubeuen nyang gata peuseumah di miseubah Lôn teuma Lôn teurimong. Baét Lôn teuma jipeugah rumoh doá keumeubagoe bansa.”