Popular Bible Verses from KITAB NABI YESAYA 54

Share

Teuma tieb-tieb seunjata nyang teu teumpeuen keujilawan gata, atranyan hana meuhase. Dan tieb-tieb tudohan nibak kantô peungadelan teuma gata bukeuti bahwa nyan na kheueh salah. Ulôn jok hadiah nyan kheueh meunang keu hamba-hamba Lôn,” meunan kheueh feureuman TUHAN.

Bahpi gunong-gunong dan bubena bukét meuguncang, Ulôn hana Lôn piôh Lôn gaséh gata. Peujanjian damé Lôn teutab Ulôn mat sabe,” kheun TUHAN nyang geugaséh gata.

Bék teumakot, gata hana teupeu malée; hana teuma teuhina dan teuseungéh-seungéh. Gata teuma tatuwoe ubak hana seutia gata yoh watée muda; hana teuingat le ubak keuseupian gata sibagoe ureuëng balée.

Nyang cebta gata lagée teungku lakoe nibak gata, Po teu Allah kudus Israel na kheueh nyang bri seulamat keu gata. TUHAN Nyang Mahakuasa, nyan kheueh nan Gobnyan, Gobnyan Po teu Allah nyang mat kuasa bansaboh donya.

Peuluwah kheueh laju khimah-khimah teumpat tinggai gata; tasambat kheueh laju bubena talo teumalo dan peukong kheueh laju bubena bajo!

Bandum peunduduek gata jeuet keu murit Lôn, dan awaknyan teuma makmu seujahteura.

Sikeujab sagai Ulôn meupaleng nibak gata sabab beungéh Ulôn nyan hana ngon peusa. Teuma deungon geunaséh nyang abadi Ulôn gaséh keu gata.” Meunan kheueh geupeugah lé Po teu Allah Peuseulamat gata.

“Teuma sikeujab mantong Ulôn tinggai gata; deungon peunoh gaséh sayang gata Ulôn cok lom teuma.

“Lagée masa Nabi Nuh Ulôn meujanji bahwa ié raya hana le meuganong di ateueh bumoe, meunan cit bak saát nyoe Ulôn meujanji bahwa Ulôn hana beungéh atawa Lôn ancam gata lom.

Kuta-kuta Lôn peudong deungon bintéh deulima, babah-babah pintoe geureubang deungon batée peumata, beuton-beuton gata nibak ratna mutu manikam.