Popular Bible Verses from KITAB NABI YESAYA 49

Share

TUHAN geujaweueb sira geupeugah, “Peu kheueh mungken sidroe ma jituwoe keu aneuëk jih, dan hana jigaséh keu aneuëk droe jihnyan? Bahpi aneuëk nyan jituwoe keu ma jih, Ulôn teuma Lôn tuwoe keu gata!

Yerusalem, Ulôn sabe lam ingat ubak gata; nan gata Lôn uke lam paleuet jaroe Lôn.

TUHAN geujaweueb, “Nyan kheueh nyang teuma teujadi. Tawanan bubena pahlawan jireupah lom. Jarahan ureuëng keujam teureupah lom. Sabab Ulôn keudroe nyang lawan musoh gata; Ulôn kupeuseulamat aneuëk-aneuëk gata.

TUHAN meufeureuman ubak ulôn, “Tugaih nyang leubeh raya ka teupreh gata, he hamba Lôn; gata kon mantong tapulang keuturonan Nabi Yakub nyang mantong na tinggai sidroe-dua, dan nyang peupuléh keubeusaran sukée-sukée Israel, teuma Ulôn peujeuet trang keu bansa-bansa, mangat jeuet bansaboh donya teupeuseulamat.”

Meuca-e kheueh he langét di manyang, meusurak kheueh he bumoe di miyueb, he banmandum gunong, meusurak kheueh geumbira! Sabab TUHAN geuteuka geujak hibur umat Gobnyan, Gobnyan geugaséh ubak umat Geuh nyang keunong iénanya.