Popular Bible Verses from KITAB NABI YESAYA 44

Share

Sabab Ulôn teuma Lôn peu tijöh ié bak tanoh nyang tho, dan nyang peu ile ié krueng-krueng bak tanoh nyang geursang. Ulôn kubri kuasa keu keuturonan gata, dan nyang bri beureukat keu aneuëk cucoe gata.

Nyoe kheueh feureuman TUHAN Nyang Mahakuasa, Raja dan peulindong Israel, “Ulôn Po teu Allah Nyang Mahaesa, nyang awai dan nyang akhé.

Salah gata nyan Ulôn use lagée awan, desya gata Ulôn sampôh lagée sagôb. Woe kheueh ubak Ulôn, sabab Ulôn ka Lôn peubeubaih gata!”

Bansa Ulôn, bék teumakot atawa teukeujot; kon kheueh phon yoh ilée sampoe án jinoe Ulôn ka lheueh Lôn ramai peue nyang teuma teujadi? Gata nyoe kheueh saksi-saksi Lôn. Peulindong nyang laén hana dan hana Lôn turi.”

Ulôn kheueh TUHAN nyang peujeuet gata, nyang peujeuet gata phon lam rahim ma, dan nyang tulông gata. Bék teumakot, gata kheueh hamba Ulôn, umat nyang Ulôn piléh lom nyang Ulôn gaséh.