Popular Bible Verses from KITAB NABI YESAYA 35

Share

Ureuëng ramé nyang ka geupeuleuh lé TUHAN teuma jijakwoe; awaknyan jitamong u dalam banda Yerusalem sira meusurak geumbira, ruman awaknyan meucahya sabab galak that ngon harôk nyang abadi. Awaknyan meugeumbira dan meusuka ria; seudeh dan apoh apah habéh ka hana le.

Peuteuga kheueh jaroe nyang leumoh, peukong kheueh teuôt nyang guyah. Peugah kheueh ubak nyang cut até, “Peukhong kheueh até gata, bék teumakot, Po teu Allah gata teuka geuhuköm musoh, Gobnyan teuka geujak peuseulamat gata.”

Di sideh na rot ueh raya, “Rot teujak ubak keuseulamatan” nan jih. Ureuëng meudesya hana jijak rot nyan, ureuëng bangai hana jipeuseusat keu ureuëng nyang jak rot nyan.

Watée nyan ureuëng buta teuma jeuet jikeumalon, dan ureuëng tulo hase jimeudeungoe.

Ureuëng lapée jeuet jigrob-grob lagée rusa, ureuëng kalu meusurak geumbira. Sabab mata ié jiteubiet meubok-bok di padang pasi, krueng ji ile dipadang gle raya.