Popular Bible Verses from KITAB NABI YESAYA 33

Share

dan geubri aman ubak umat Gobnyan. Hareuta nyang peuseulamat awaknyan na kheueh keubijaksanaan dan iéleumé dan horeumat ubak TUHAN.

Ya TUHAN, geugaséh kheueh keu kamoe. Droeneueh kheueh harapan kamoe. Neulindong kheueh kamoe tieb-tieb uroe dan peuseulamat kheueh kamoe watée kamoe lam keuadaan meukarat.

Peue mantong nyang na peuleungkapan nyang na nibak kapai awaknyan hana meuguna; layeue-layeue jihnyan hana hase teupeukeumang! Banmandum keukayaan pasokan musoh tanyoe reupah, dan jeumeulah jih lumpah that le, sampoe ureuëng laén pih meuteumé jeumba. TUHAN keudroe nyang jeuet keuraja geutanyoe; Gobnyan teuma geumat peurintah, geupeudong huköm dan geupeuseulamat geutanyoe nibak musoh.

Gata ék tapeuteun droe meunyoe gata meututoe dan tapeubuet nyang beuna. Bék tamita laba deungon cara tapaksa talakée atra ureuëng gasien, bék tateurimong péng sugok. Bék taseutôt deungon ureuëng nyang na lam até jih jikeuneuk jakpoh maté ureuëng laén atawa buet-buet nyang jeuhet nyang laén. Dan gata teuma teulindong dan aman, siulah-ulah gata kana lam kuta nyang teuga. Peunajoh dan ié jieb kana teukeubah keu gata.