Popular Bible Verses from YEHEZKIEL 37

Share

Laju TUHAN geuyue ubak ulôn jak peusampoe peusan Gobnyan ubak tuleueng-tuleueng nyang ka tho nyan, “Ulôn TUHAN Nyang Mahamanyang Ulôn yueb nafáh lam tuboh gata mangat gata udeb lom.

Ulôn peuduek urat dan asoe ubak gata dan Lôn balot gata deungon kulét. Gata Ulôn bri nafáh mangat udeb. Dan tateupeue kheueh lé gata bahwa Ulôn kheueh TUHAN.”

TUHAN geutanyong ubak ulôn, “He manusia fana, peu kheueh mungken tuleueng-tuleueng nyoe udeb lom?” Ulôn jaweueb, “TUHAN Nyang Mahamanyang, teuma Droeneueh kheueh nyang teupeue.”

Ulôn lumpah teurasa kuasa TUHAN, dan roh Gobnyan nyang ba ulôn geupeutron u pantôn nyang peunoh deungon tuleueng-tuleueng. Ulôn geutunton lé TUHAN meuwet-wet bak pantôn nyan, dan ulôn kalon bahwa bansaboh pantôn nyan meusiseu bubena tuleueng nyang lumpah le dan ka tho-tho.

Laju ulôn Yehezkiel ulôn mariet ubak tuleueng-tuleueng nyan sisuai ngon peurintah TUHAN. Dan teungoh ulôn peugah haba, laju teudeungoe su meukrub-krub, sabab tuleueng-tuleueng nyan ka jipeuphon meusambat tuleueng nyang saboh deungon nyang laén. Teungoh ulôn kalon hai nyang teungoh teujadi nyan, tuleueng-tuleueng nyan ka jipeuphon meu urat dan meuasoe meunan cit deungon kulét ka meuleukék teuma tuboh nyan gohlom na meunafáh.