Popular Bible Verses from YEHEZKIEL 17

Share

Bandum bak kayée lam nanggroe muphom bahwa Ulôn kheueh TUHAN. Kayée nyang manyang Ulôn koh; kayée nyang miyueb Ulôn peujeuet jitimoh manyang. Kayée nyang luhu Lôn peutho kreng; dan bak kayée nyang tho Ulôn peutimoh tarôk dan meukeumang. Ulôn, TUHAN, ka Lôn peugah haba, bandum tutoe haba Lôn teuma teulaksana.”

Nyoe kheueh feureuman TUHAN Nyang Mahamanyang, “Nibak bak ceumara nyang manyang, Ulôn pot pucok jih laju Ulôn wiét sikrak cabeueng jih nyang muda; Lôn pula cabeueng nyan bak gunong manyang meusampôh awan. Bak gunong nyang paleng manyang di Israel, cabeueng kayée nyan Ulôn pateng. Disinan kayée nyan meutarök, dan óh lheueh nyan jimuboh teuma, laju jeuet keubak ceumara nyang meusyeuhu meugah. Meubagoe jeuneh cicém jimeu eumpueng didalam nyan dan jimeuceu dimiyueb lindongan nyan.