Popular Bible Verses from KEULUARAN 14

Share

TUHAN teuma geumeujuang keu gata, dan gata hana peureulée gata peubuet sapeue.”

Geujaweueb lé Nabi Musa, “Bék yo teuh! Meuteuen kheueh! Gata takalon keudroe peue nyang teuma geupeubuet lé TUHAN keu geupeuseulamat gata. Ureuëng Meusé nyang na gata ngieng nibak saát nyoe, hana teuma gata ngieng le.

Beuôt tungkat gata dan seupôt laju ateueh ié laôt. Dan ié laôt nyan teuma teuplah meuweuk dua dan ureuëng Israel jeuet jijak jijeumeurang laôt deungon cara jijak ateueh tanoh nyang tho.

Watée ureuëng Israel jikalon pakriban TUHAN deungon kuasa Gobnyan nyang rayeuk geupeutaloe ureuëng Meusé, awaknyan hireuen lumpah na akhéjih laju jimeuiman ubak Gobnyan dan ubak Nabi Musa, hamba Gobnyan nyan.