Popular Bible Verses from PEUNGKHOTBAH 9

Share

Neupeubuet kheueh peue mantong tugaih gata deungon habéh seuneuga. Sabab euntrek hanale pikeran atawa keureuja. Hana iéleumé atawa hikeumat dalam donya ureuëng maté. Dan keudeh kheueh gata teuma neujak.

Di dalam donya nyoe na lom nyang ulôn kalon: meutunang plueng hana sabe-sabe jimeunang lé ureuëng nyang bagaih plueng, meunan cit dimideuen prang hana sabe-sabe meunang nibak ureuëng nyang teuga. ureuëng bijaksana hana sabe-sabe meuteumé mata hareukat. Dan ureuëng carông hana sabe-sabe meuteumé keukayaan. Meunan cit di ureuëng ahli hana sabe-sabe jeuet keu ureuëng meusyeuhu. Sabab soemantong jeuet mantong jitimpa lé naseb nyang sial.

Rasa kheueh udebnyoe deungon peurumoh nyang gata gaséh seumantong gata udeb deungon sia-sia, nyang geubri lé Po teu Allah ubak gata di ateueh donya. Neunékmat kheueh tieb-tieb uroe bahpih hana meuguna. Sabab upah jeureh payah gata nyang kheueh atranyan mantong.

Jak, pajoh laju dan meugeumbira kheueh, neujieb kheueh laju ié anggô gata deungon suka cita. Nibak Allah hana geubeungéh, malah geugalak teuma.

Hikeumat leubeh meuguna nibak sinjata, teuma nila saboh titek habéh rusak susu saboh beulangong.

Leubeh gét teudeungoe tutoe haba nyang teunang nibak sidroe ureuëng nyang meuiéleumé nibak padoe dumpék sidroe ureuëng nyang mat kuasa di teungoh-teungoh kawan ureuëng bangai.

Seuhana-hana jih, ureuëng udeb geuteupeue bahwa ajai ka teupreh-preh gobnyan, seudangkan ureuëng maté than geuteupeue sapeue. Nibak ureuëng nyan hana uengkoh atawa imbalan nyang laén, dan nan ureuëng nyan ka teupeu tuwoe.