Popular Bible Verses from PEUNGKHOTBAH 11

Share

Rasa dan nékmat kheueh masa muda gata, hai ureuëng muda! Meugeumbira kheueh seulagi gata mantong remaja. Peupeunoh kheueh peue mantong hasrat jiwa gata, dan neupeujak kheueh peue mantong nyang na teuniet lam até gata. Teuma neuingat, Po teu Allah nyang na didalam syeuruga, nyan kheueh nyang peusidang peue mantong nyang gata peubuet yoh masa gata mantong didalam donya.

Neu use kheueh khawate dan nyang susah nyang na didalam até gata, sabab masa muda gata bagaih that meulalu.

Soe nyang preh sampoe angén dan cuaca peungéuh sampoereuna, hana teuma geupula dan hana geupot hase jih disinan.

Po teu Allah nyang peugöt peue mantong nyang na, dan manusia hana geutuóh peuphom tindakan Gobnyan; meunan cit ureuëngnyan hana geutuóh peuphom keuhai udeb nyang barô didalam pruet ma.

Sipreuék kheueh bijéh gata bak watée beungoh dan bék kheueh neupiôh óh malam uroe. Sabab geutanyoe than ta teupeue sineupreuék nyang toh bijéh nyang timoh jroh. Barang kali bandua bohnyan jitimoh deungon sampoereuna.

Pula kheueh modal gata nibak meubagoe bidang niaga; mita kheueh useuha beucukob le. Sabab manusia peureulée waspada, sigohlom musibah teuka meunimpa.