Popular Bible Verses from PEUNGKHOTBAH 1

Share

Sabab, seumaken le hikeumat geutanyoe, seumaken le teuma nyang tanyoe gundah. Seumaken le iéleumé peungeutahuan geutanyoe, seumaken le teuma nyang tanyoe susah.

Peue nyang ka lheueh teujadi, teuma teujadi keula-i. Peue nyang ka lheueh teupeubuet, teuma jipeubuet keula-i. Hana na sisuatu nyang barô di ateueh donya nyoe.

Peue-peue mantong ka habéh bosan dan bosan nyan hana sanggob teupeugah le. Mata geutanyoe hana troe-troe bak ta pandang; dan geulinyueng geutanyoe hana puih-puih bak jideungoe.

Si seumike geupeugah: Banmandum nyan sia-sia dan hana meuguna! Udeb nyan peucuma, banmandum nyan hana areuti. Siumu udeb geutanyoe ta meukeureuja, ta prah reuôh. Teuma, toh hase jih nyang bisa ta peubangga?

Ulôn kheueh nyang kalon peue mantong buet manusia di ateueh donya nyoe. Peucaya kheueh, banmandum nyan sia-sia, lagée useuha teutiyeub angén.

Keuturonan nyang sa teuka dan keuturonan nyang laén leunyab, teuma donya nyoe teutab saban mantong.

Ureuëng hana ji ingat keujadian masa nyang dilée. Meunan cit deungon keujadian masa jinoe dan singoh, hana teuma ji ingat lé ureuëng masa nyang teuma teuka.

Teuma ulôn ka meuteukat keu lôn teupeue beuda jih lamkawan peungeutahuan dan keubodohan, lamkawan keubijaksanaan dan nyang bangai. Teuma teunyata ulôn nyoe lagée lôn tiyeub angén.