Popular Bible Verses from 2 RAJA-RAJA 20

Share

woe ubak Hizkia, raja umat TUHAN, dan geupeutrok peusan nyoe, “Ulôn, TUHAN, Po teu Allah nyang jiseumah lé Nabi Daud indatu gata, ka Lôn deungoe doá gata dan Lôn kalon ié mata gata. Ulôn kupeupuléh gata, lusa gata tajak ubak Baét Ulôn.

“TUHAN, ingat kheueh bahwa ulôn nyoe ka meungabdi ubak Droeneueh deungon seutia dan jujoe até. Ulôn sabe lôn useuha lôn seutôt peue kheun Droeneueh.” Lheuehnyan Hizkia laju geumo meuweueh-weueh that.

Lam watéenyan Raja Hizkia rhot bak sakét jitimoh cumuét, sakét geuhnyan bit-bit brat that rab meuninggai donya. Nabi Yesaya bin Amos geujak saweue gobnyan dan geupeugah, “TUHAN geupeusan mangat Teungku Po neupeuberéeh banmandum urosan droeneueh, sabab Teungku Po hana jitem puléh. Hana treb le Teungku Po meuninggai donya.”

Ulôn teuma Lôn tamah umu gata 15 thon teuk. Gata dan banda Yerusalem Ulôn peubeubaih nibak raja Asyur. Bandanyoe Ulôn lindong deumi keuhoreumatan Lôn keudroe dan deumi janji Ulôn deungon hamba Lôn Nabi Daud.”