Popular Bible Verses from 1 KORINTUS 15

Share

Ngon sabab nyan, Syedara-syedara nyang lon gaséh, bah kheueh gata teuga dan teugoh. Mubuet kheueh bék tinggai keu Tuhan ngon biet-biet sunggoh, sabab gata tateupeue bahwa banmandum nyang gata peubuet nyan na kheueh keu Tuhan, nyan hana teuma peucuma.

Teuma syukoe that ubak Po teu Allah; Gobnyan ka geubri keugeutanyoe keumeunangan rot Isa Almaseh Tuhan geutanyoe!

Bék kheueh gata keunong tipée! Meurakan ngon brok teuma jipeureulôh nyang jroh.

Teuma sabab rakhmat Allah ulôn jeuet lagée keuadaan ulôn bak watée nyoe. Dan hana kheueh sia-sia Allah geupeue amphon ulôn. Teuma ulôn kheueh nyang mubuet nyang leubeh brat nibak mandum rasui-rasui nyang laén. Teuma nyan kon useuha ulôn; nyan na kheueh useuha Po teu Allah nyang geugaséh ulôn dan nyang mubuet meusajan-sajan ngon ulôn.

“Hei mawöt, hoka meunang gata nyan? Hei mawöt, dipat kheueh bisa gata?” Bisa mawöt na kheueh desya, dan desya jipeujak peuranan jih rot huköm agama.

Ngieng kheueh rahsia nyoe: Hana banmandum tanyoe maté, teuma tanyoe banmandum meu-ubah. Hainyan teujadi lam sikeujab ngon sikrék mata, bak watée sangka kala teuyueb keu nyang paleng akhé. Sabab bak watée teudeungoe su sangka kala nyan, ureuëng-ureuëng maté teupeu udeb lom teuma ngon tuboh nyang abadi, dan tanyoe banmandum teuma geu-ubah.

Sabab maté nyang jitamong lam donya nyoe ngon peurantaraan sidroe ureuëng, meunan cit ngon udeb lom teuma nibak maté nyang geubri keu manusia ngon peurantaraan sidroe ureuëng teuma. Lagée tateupeue banmandum manusia maté sabab jitamong saboh ngon Nabi Adam, meunan cit ngon mandum nyang geupeu udeb, sabab jitamong saboh ngon Almaseh.

Tuboh tanyoe nyang hase maté nyoe meuseuti teugantoe ngon tuboh nyang hana hase maté, dan tuboh nyang nibak donya meuseuti teugantoe ngon tuboh nyang nibak syeuruga.

Almaseh meuseuti geumat sabe peumeurintah sampoe Allah geupeujeuet banmandum musoh Almaseh taklôk ubak Almaseh. Musoh nyang paleng akhé nyang teuma geupeu taklôk na kheueh maté.