Popular Bible Verses from 1 TAWARIKH 16

Share

Lakée kheueh teunaga nibak Gobnyan, seumah kheueh Gobnyan bubekna reuda.

Meusyukoe kheueh ubak TUHAN sabab Gobnyan jroh that; geunaséh Gobnyan keukai dan abadi.

Meusyukoe kheueh ubak TUHAN tapeusampoe kheueh keubeusaran Gobnyan, tapeugah kheueh buet-buet Gobnyan ubak bansa-bansa.

Gobnyan kheueh TUHAN Nyang Mahaesa; meusuka cita kheueh, sabab geutanyoe nyoe na kheueh milék Gobnyan; soemantong nyang jiseumah Gobnyan bah kheueh ji meusukaria ngon geumbira.

Hai keuturonan Nabi Yakub, hamba Po teu Allah! Hai keuturonan Israel, umat nyang ka geupiléh! Ingat kheueh banmandum buet nyang ajaéb nyang ka geupeubuet, bék kheueh tuwoe ubak peue nyang ka geupeuputôh.

Tameuca-e ngon tameunyanyoe kheueh puja ngon pujo ubak TUHAN, tapeusampoe kheueh peue mantong buet-buet Gobnyan nyang luwa biasa.

Sabab TUHAN lumpah that raya dan lumpah teupujo; Gobnyan harôh tatakot beuleubeh nibak tatakot keu dewa.

Pujoe kheueh nan Gobnyan nyang mulia, dan taba kheueh keureubeuen u baét Gobnyan. Seumah kheueh TUHAN deungon tangui peukayan iébadat!

Gobnyan peunoh deungon keuagongan dan keumuliaan, rumoh Gobnyan peunoh deungon kuasa dan suka cita.

Meuca-e ngon meutaseubéh kheueh keu TUHAN, hai bumoe nyoe banmandum, tieb-tieb uroe tajak peumaklum kheueh haba geumbira bahwa Gobnyan ka geupeuseulamat geutanyoe.

Tajak peugah kheueh keuagongan Gobnyan ubak mandum bansa, dan buet-buet Gobnyan nyang peukasa keu umat manusia.

“Bék tapeukaru ureuëng-ureuëng nyang ka Ulôn piléh, bék tapeubuet buet nyang jeuhet ateueh nabi-nabi Ulôn.”

Dewa-dewa bansa laén na kheueh patong beurala teuma TUHAN na kheueh nyang cebta angkasa raya.

Gobnyan sabe geuingat ubak janji Gobnyan, janji Gobnyan teutab teungui keu siumu masa.

Hai langét ngon bumoe, meugeumbira kheueh! Tapeugah kheueh ubak bansa-bansa bahwa TUHAN nyan Raja!

Pujoe kheueh TUHAN, Allah Israel, phon saátnyoe sampoe siumu masa! Óh lheuehnyan banmandum umat Israel jipeugah, “Amin”, laju awaknyan jipujoe TUHAN.

Pujoe kheueh TUHAN, hai umat manusia! Pujoe kheueh keuagongan dan teunaga Gobnyan.