Popular Bible Verses from Wólómà 4

Wálà zì wè-dɔ-wèa mɔ́ɔ̀ wɔ̃̀ mɔ̀ɔ, zò pèèlɛ lɛ̀ɛ́ gbaa mɔ́ɔ̀ kɛ ɓo Éɓɔ́lɔ́hã́ã̀ gé. À zì zò-dɔ̀à-mɔ̀ lɛ̀ɛ́ gbaa nyɛ. Kɛɛ a kɛ à yí áà kɛ̀ gágà, ɛ̃́ɛ̃́ áà Wálà tɔ́ ɓɔ̀. Ƃii a yí kpó-kpó dɔ kélɛ̀ Wálà lɛ́ɛ̀ bɛ̀i à mɔ̀ é wɔ̃́ lɛ́ e e wè dɔ à káa kɛ.

À bɛ̃̀ɛ̃ɛ̃̀ lɛ Wálà kiia yí weeá kélɛ̀, “Maà i kɛ sɛ́lɛ́ búnù-búnùzɛ̀ dàa ká.” À mɔ́ɔ̀ wɔ̃̀ mɔ̀ɔ, wè-dɔ-wèa lɛ gágà Wálà lɛ́ Éɓɔ́lɔ́hã́ã̀ zò dɔɔ̀ e kɛá à mɔ̀ɔ nyìɛ là. Wálà e kília, lɛ́ɛ̀ mia lɛ́ waà gaa wɛ̀lɛ̀ ga kɛ̀lɛ̀, ɛ̃́ɛ̃́ pɛ lɛ́ à kɛɛ̀ lɛ̀ɛ́ gbaa kɛ à káa, Wálà zì mɛ́ĩ́-ɓo-kɔ̀ɔ láà kɛ̀, tó wáà kɛ̀ ɓe.

Zízɛ̀ kɔa Dàa-mì nɔɔ̀ e kɛ à ká é ga kɔa zì kɛ-wɔ̃̀ yɔɔ mɔ́ɔ̀ wɔ̃̀ mɔ̀. Ɛ́ɛ̃́ e wɛ̀lɛ̀ ga kɛ̀lɛ̀, kɛ é kɔa kɛ kpeĩ Wálà lɛ̀ɛ.

Éɓɔ́lɔ́hã́ã̀ zò dɔɔ̀ e kɛ à ká Wálà mɔ̀, ɛ̃́ɛ̃́ à zò e kɛ pɛ mɔ, yé bɛ̃̀ɛ̃ zò-kɛ̀à-mɔ̀-pɛ̀ lɛ̀ɛ́ gbaa kɛ ɓea ká. À mɔ́ɔ̀ wɔ̃̀ mɔ̀ɔ, e kɛ gbaa sɛ́lɛ́ búnù-búnùzɛ̀ dàa ká, lɛ̀ zí lɛ́ Wálà e à gèe à ká à lɛ̀ɛ lɛ́ ɓe. A gèe kélɛ̀, “Zi lɛ́ i sùu-là-mìà ò lo kɛɛ̀ à káa, lɛ́ e kéa.”

Wálà wè a dɔɔ, a dɔ zò-dɔ̀à-mɔ̀ là, kɛɛ à zì zò-kɛ̀-sɛ̀ɛ á kɛ à zì wè-dɔ-wèa é kɛ wánà ká Éɓɔ́lɔ́hã́ã̀ sùu-là-mìà séĩ́ lɛ̀ɛ. Míá o kília, o wá nɔ́ ɓɔ̀ɔ míá ò Lɔ́ɔ̀ɔ kũ tã́ã̀a ká. Kɛɛ o mia lɛ́ zò-dɔ̀à-mɔ̀ doó lɛ́ e kɛ Éɓɔ́lɔ́hã́ã̀ yía, lɛ o yía ká. Ƃii Éɓɔ́lɔ́hã́ã̀ lɛ́ e kɔa séĩ́ kɔa dàa káa.

“Mia lɛ́ o zì wɔ̃́ niàa wa kɛɛ wɔ̃̀ aà ɓo o wũ mɔ̀, lɛ́ Wálà aà pɛ kpaa o zì kɛ-wɔ̃̀ yɔɔ làa, o gé liì lɛ. Mi lɛ́ ko Dàa-mì lɛ̀ɛ́ ló à zì kɛ-wɔ̃̀ yɔɔ kpɔ́ɔ̀ e géa, à gé liì lɛ.”

Wálà kiia láà gèe kpɛ? Láà gèe, “Éɓɔ́lɔ́hã́ã̀ e e zò dɔ Wálà mɔ̀. À zì zò-dɔ̀à-mɔ̀ e kília kolo là zàáa, Wálà a sí gbaa é kɛ mi kpeĩ ká.”