Popular Bible Verses from Wólómà 2

Mi lɛ́ ì wɔ̃́ kàà mia lɛ́ ò wɔ̃́ sùu e kéa kɛ̀ɛ wĩĩ́, tó i dìè ɓáà wɔ̃́ sùu nɔ́ doóa kɛ̀ɛ, ɓáà yí dɔ íì lo laà Wálà là mɛ̀ĩ́-sà kàà-mia-wĩĩ́ kɛ̀lɛ̀? Ɛ́ɛ̃́ Wálà zì sɔ̃̀ɔ̃-kɛ-sɛ̀, e bɛ̀i à zì zò-kũ̀-gé kɔ̀, ɛ̃́ɛ̃́ à zì zò-kɛ̀-dɔ́ɔ́lɔ́ kɔ̀ ɓɛ, íì o vɛ̀ì zɛ? Ƃàá yí dɔ Wálà sɔ̃̀ɔ̃ lɛ sɛ̀, ɓii láà nàà é zi ɓo i ká í i sɔ̃̀ɔ̃ yɔɔ mɛ́ vɔ̀ɔ?

À mɔ́ɔ̀ wɔ̃̀ mɔ̀ɔ, mi lɛ́ ì wɔ̃́ kàà i ɓɛ́ĩ̀ wĩĩ́a, í kɛ bɛ̃̀ɛ̃ mi nɔ́ɔ fé káa, à ɓò-mɛ̀ĩ́-zì gbɛɛ wá i kɛ̀lɛ̀. Ƃii yé ɓaà wɔ̃́ káá i ɓɛ́ĩ̀ gbɛɛ wĩĩ́a, kɛ ɓaà mɛ̀ĩ́-sà káá i dìè wĩĩ́. Ƃii ɓi lɛ́ ì wɔ̃́ kàà mia wĩĩ́a, i wɔ̃́ nɔ́ doóa kɛpìà.

Ƃii Wálà lɛ̀ɛ́ dɔ mi nɔ́ɔ fé dò píé.

Mia lɛ́ o Lɔ́ɔ̀ e kília ma-mìà káa, o wáá ká kɛ ó kɛ Wálà lɛ̀ɛ kpeĩ. Kɛɛ mia lɛ́ ò lo kɛɛ̀ à lɛ̀ɛ kpeĩa, lɛ́ o mia lɛ́ ò wɔ̃́ lɛ́ Lɔ́ɔ̀ɔ à gèea, kɛ̀ɛ káa.

Ƃii Wálà lɛ́ɛ̀ lo mia séĩ́-séĩ́ fɔ́nɔ́ nɔɔ̀ síì o kɛ-wɔ̃̀ mɔ̀.

Mia dò bɛ̃̀ɛ̃ o dìè mɔ́ɔ̀ wɔ̃̀ lɛ́ nɔ́ ò yí dɔɔ. Óò o wũ ɓo wɔ̃́ yé lɛ wánà zɛ̀ɛ wì, tó wáà à yé lɛ nɛ̀ zɛ̀ɛ, kũ̀ o zɔ̃̀ɔ̃̀ ká. Míá o kília, óò lo Wálà zì wɔ̃́à-wàa zò wà à zì wɔ̃́à-wàa-kɔ̀ gɛ̃̀ɛ̃̀.

Kɛɛ i wũ-kèlè yí lɛ gágà, ɛ̃́ɛ̃́ ɓàá naa í i zò nìɛ̀. À mɔ́ɔ̀ wɔ̃̀ mɔ̀ɔ, i à kɛpìà kɛɛ Wálà zì wɔ̃́à-wàa-kɔ̀ lɛ́ è lo ɓɔɔ̀ i mɔ̀ɔ, é kɛ gbùò. Lɛ́ɛ̀ lo kɛɛ̀ gbùò Wálà zì wɔ̃́à-wàa-lùò ká, lúó lɛ́ à zì mɛ̀ĩ́-sà dɔ̀-mia-mɔ̀ kpeĩa lɛ́ɛ́ è lo ɓoò à ká à làa ká.