Popular Bible Verses from Fèlépĩ̀ã̀ 4

Share

Yékɛ̀ wɔ̃́ nɔ́ɔ fé wɔ̃̀ é ka lè dũ. Kɛɛ ka zì sɛ̀nɛ séĩ́ ɓoò yía, kà pɛ lɛ́ lɛ ka mɔ̀ ká sɔ̀lɔ̀ ɓoa, pɛ̃́ à mɔ̀. Ká pɛ pɛ̃̀á à mɔ̀ɔ, à zúo ɓo kpàà è kɛ ka mɔ̀ teele.

Ɛ́ɛ̃́ Wálà zì zò-yà-gé lɛ́ lɛ mia zì yɛ́lɛ́-táá ká gbèĩ kpó-kpó ɓoa, lɛ́ɛ̀ lo e yɛ́lɛ́ kɛɛ̀ ka zò wà ka zì wũ-kèlè yí píé Kɛ́lɛ̀ì Zízɛ̀ yí zàá.

M lèe-gé vɔ̀, m tèáà-là lɛ́ e kélɛ̀, kà ka zì yɛ́lɛ́-táá kɛ à lé é pa wɔ̃́ nì lɛ́ lɛ sɛ̀, ɛ̃́ɛ̃́ lɛ́ lɛ pɛ lɛ́ à tɛ̀nɛɛ̀ à mɛ́ kũa ká. O lɛ́ o pɛ wánà zɛ̀, ɛ̃́ɛ̃́ pɛ́ ò bɛ̀i à mɔ̀ ó ɓɛ̀lɛyà nɔ à lɛ̀ɛ, e bɛ̀i, wɔ̃́ kpeĩ, ɛ̃́ɛ̃́ pɛ lɛ́ kɛɛ nyɛɛ̀ lɛ à mɔ̀ɔ, e bɛ̀i zeĩ́, pɛ lɛ́ à liì lɛɛò, ɛ̃́ɛ̃́ pɛ lɛ́ lɛ ɓɛ̀lɛ-ɓɛ̀lɛ zɛ̀ɛ káa.

Bɛ̀i lɛ m mɔ̀ ḿ wɔ̃́ séĩ́ kɛ Kɛ́lɛ̀ì lɛ́ è m mɛ́ kɛ̀ gágàa yí zàá.

Kà géli kɛ kɔa Dàa-mì tɔ́ yí zàá teele. Ḿm̀ gèe zeĩ́ kélɛ̀, kà géli kɛ.

Ɛ́ɛ̃́ m̀ Wálà lɛ́ɛ̀ lo pɛ séĩ́ lɛ́ lɛ ka mɔ̀ ká sɔ̀lɔ̀ ɓo, lɛ́ lɛ là dɔ-pɔ̀ɔ̀ yí gbùò zɛ̀ kpànazɛ̀, lɛ́ lɛ ɓe Kɛ́lɛ̀ì Zízɛ̀ yí zàáa bàa, lɛ́ɛ̀ lo à síì, áà nɔ̀ ka lɛ̀ɛ.

Pɛ lɛ́ ka dã́, ɛ̃́ɛ̃́ lɛ́ ka sɔ̀lɔ̀ ɓo, lɛ́ kaà ma m lé, tó káà m gɛ̃̀ máà kɛ̀ɛ, kà yɛɓo kɛ o ká. Ɛ́ɛ̃́ Wálà lɛ́ è zò-yà-gé nɔ ko lɛ̀ɛ, lɛ́ɛ̀ lo kɛɛ̀ ka píé.

Mia séĩ́ ò ka zì zò-kɛ̀-sɛ̀ mia ká míní sí. Ko Dàa-mì nu-lùò aà ɓɔ kɔ̀ɛ́.

Ḿm̀ zi lɛ́ yé pɛ aà kɛ mi kɛ̀lɛ̀ nyɔ̀nɔ́ɔ i à káa dɔ, tó máà zi lɛ́ pɛ aà kɛá mi kɛ̀lɛ̀ gbùòa i à káa dɔ̀. M à kɔ̀ɛ̀à ká gbaa. À mɔ́ɔ̀ wɔ̃̀ mɔ̀ɔ, ḿ kɛ bɛ̃̀ɛ̃ lɛ̀ nɔ́ɔ fé mɔ̀, ɛ̃́ɛ̃́ lúó nɔ́ɔ fé káa, m zò yàà lɛ m gé, yé bɛ̃̀ɛ̃ m gé lɛ kã́pìà lɔ̀ɔ ká, ɛ̃́ɛ̃́ yé bɛ̃̀ɛ̃ m gí dɔɔ̀ lɛ, e bɛ̀i, yé bɛ̃̀ɛ̃ pɛ lɛ m kɛ̀lɛ̀ gbùòa, ɛ̃́ɛ̃́ é kɛ bɛ̃̀ɛ̃ m kɛ̀lɛ̀ nyɔ̀nɔ́ɔ ká.

Ɛ́ɛ̃́ ma wá wɔ̃́ e kéa gèepìà ɓii ḿm̀ nàà pɛ káa mɔ́ɔ̀ wɔ̃̀ mɔ̀. Ƃii maà zi lɛ́ lɛ mi mɔ̀ i zò é dàá pɛ lɛ́ lɛ i kɛ̀lɛ̀ɛ wɛ̃́ĩ̀a dã́.